免費教材 · 一人公司
一個人做生意，其實要分飾 28 個角色
一人公司唔係「做少啲」。一間公司要轉，齒輪一樣多 —— 市場、銷售、核數、出品、客服。大公司請 28 個人做，你一個人全部孭起。
齒輪唔會自己轉
傳統公司一個部門就係一個齒輪，互相咬住一齊轉，先有 output 同 input。唔理你係 1 個人定 100 個人，齒輪一樣，只係大細唔同。
而一人公司大多數時間都專注喺自己嘅專業上 —— 設計就設計、教就教、做嘢就做嘢。 其餘啲齒輪：有啲你冇時間做，有啲你冇方向做。但每一忽都少唔得。
少一忽齒輪，成部機就卡住。
七組 · 28 個角色
由認知、興趣、轉化、留存到拓展，一盤生意要 28 個角色先運作到。分七組：
睇完呢張表，大部分一人公司會即刻認到自己得一兩組轉得順，其餘幾組近乎空白。呢個唔係做得差 —— 係一個人本來就孭唔起 28 個。
但知道自己空白喺邊，同唔知道，係兩回事。
最貴嘅一課：like 唔會自己變成收入
坊間成日叫你追曝光、追 followers、討好大眾。但呢啲流量，最終引咗去邊？
曝光型
10 萬 view
幾千個 like，好多人睇過、經過 —— 但一單都冇成交。
配對型
300 個追隨者
但個個都係真係想買嘅人 —— 出一次貼就賣清貨。
我哋係喺網上搵配對、做生意，唔係做明星。 精準 300 個真客，好過 10 萬個唔會買嘅路人。
所以與其討好所有人，不如講清楚你係為邊種人而做。講得越清，啱嘅人越覺得 「呢個係為我而設」，唔啱嘅人自然行開。唔好怕嚇走唔啱嘅人。
鈎子唔止吸眼球，係決定「邊種人停低」
呢個係最多人諗漏嘅一點。第一句嘢唔淨係吸引人 —— 佢決定咗邊種人會停低。
「平到你唔信」 → 吸嚟嘅係格價客
「唔平，但用足五年」 → 吸嚟嘅係另一種人
兩句都吸到人，但吸到嘅係完全唔同嘅生意。
點解你用 AI 寫嘅嘢，好似人人都一樣
好多人試過用 AI 寫文案，出嚟覺得「離地、唔似自己」，然後結論係「AI 唔啱用」。
但問題通常唔喺個工具度。你冇同佢講過你係邊個、幫邊種人、同人有咩唔同 —— 佢唯有寫返一個「一般人」。
所以真正要做嘅唔係搵一個更勁嘅工具，係先寫低幾樣嘢：你嘅定位、你嘅聲音、 你想吸邊種人、你唔想吸邊種人。呢啲寫得越實，出嚟嘅嘢就越似你。
一份 17 條嘅思考工作紙
上面講咗齒輪同角色。真正要落手嗰部分 —— 逐個齒輪要諗清楚嘅 17 條填空、 每組附「大部分人填錯喺邊」、同一個三齒輪體檢表 —— 留個 email 就攞到，唔使設密碼。
填完就係一份品牌一頁紙。之後餵任何 AI 工具做內容，都係靠佢。
攞份工作紙免費。我哋只會用你個 email 寄呢份教材同新課程通知。